السلام عليكم :
ده اخر جزء من النكت اللى انا ما كتبتهاش الا لمنتدى الصعيدى
يعنى حصرى ولو واحد منكم شاف المواضيع دى فى اى منتدى تانى يا ريت يقولى
مره واحد بيقول لواحد انا تعبان من الروماتيزم...وصاحبه قاله انا حسان من فرشـــوط....
مره واحد بيعاكس واحدة لابسة جزمه بيضه...قالها نهارنا زى الجزمة....
مره نجار اشترى فاره جديدة ..الفران عاكسوها...
نجار اشتغل في مصنع تلج ...شغلوه لوح.....
مقاول فتح فرن...عمل الرغيف 3شقق وصالة...
مره بلدينا دخل السينما... طفوا النور..قال إحنا هانام ولا إيي...
راجل و مراته ساكنين جنب شريط السكة الحديد فكل لما القطر يعدى يوقع لهم الدولاب فالزوجة زهقت فجابت نجار يصلح لها الدولاب...النجار اختبر الدولاب...... قال: لها ده سليم,قالت له:خش جواه ولما القطر يعدى حتعرف العيب فين فسمع كلامها ودخل وبعد شوية جوزها وصل من الشغل وفتح الدولاب فوجئ بالنجار...!!!فقاله:انت بتعمل ايه هنا؟؟...رد عليه لو حلفتلك ميت يمين مش حتصدق انى مستنى القطر ...
ليه بنحط الغطا على الزير....علشان نحط عليه الكوز...
مره واحد قال لبياع..عندك عسلية..قاله:لا.. وهوعنده جوه....
مره واحد نام...نام تانى....
مره واحد احول راح الجيش..حطوه في قسم القصف العشوائى...
مره 3 مساطيل ماشيين قال الاول:هاشترى نص الكرة الارضية.قال التانى:هاشترى نص الكرة الارضية التانى.والتالت:مين قال انى أنا هابيع لكم اصلا...
مره دكتور عيون ماشى فى الشارع بص لقى الا شاره حمره قام نزل حطلها قطرة.
بخيل اتجوز بخيلة جابو بنت سموها حصالة.
الزوجة:جارنا بيفسح مراته كل يوم,الزوج:ليكى عليا اخدها افسحها كل يوم.
واحد اشترى منبهين واحد يضرب...وواحد يحوش.
واحد ماشى اتقطعت جزمته.. خيطها..وبعد اسبوع فك الغرز
واحد فرعونى حب واحده فرعونيه قالهاامـــون فيك).
واحد عاوز يذبح سمكة قام غرقها فى الميه.
واحد دخـــل متحف وقعد يلحس الصــــور ليه؟ لانه بيتذوق الفــــن.
واحد حب يصطاد ارنب ....قلد له صوت جزره .
واحد راح يوكل محامى...لقاه صايم.
مره اتنين راحوا مع بعض...اتخانقوا قام بعض سابهم و رجع...هاهاها...
واحد حب واحده ....فاتجوز اختها علشان يضمن يشوفها كل يوم.
مره حرامى سرق عربية ..البولــــــيس مسكه..قاله: انت سرقت العربية .فقاله فتشنى ياباشا!.
واحد درسه وجعه ..راح للدكتور وقاله: اخلع كل سنانى ,وسيبه لوحده زى الكلب!..
واحد ميكانيكى اشترى نتيجة مكتوب عليها(الصبر مفتاح 15)!...
مرة واحد بيقفل التليفون قفل على صباعه!.....
واحد بيسأل بياع بصل بيقوله عندك حلقات بصل؟ قاله:فيه , قاله:هات الحلقة الاخيره.
واحد بلع سكينة انجرحت مشاعره....
واحد اشترى راديـــو ..حط فيه حجرين المذيـــع اتسطل!....
واحد شاف قشرة موزه..قال: يـيه ها تزحلق تانى.
مره واحد اشترى لمبة مــــسمار...دقها فى الحيط!....
مره واحد اتــــزنق في قرشين..قاموا فعصوه!....
مره واحد راح للحلاق وقاله:ممكن اخد دقنى..الحلاق:ليه انت نسيتها هنا؟!...
مره محامى رفع قضــــية ..قامت وقعت عليه...
مره واحد جاى يطلع على المعاش قام: المعاش وقع بيـــــه...
مره سبـــــاك نفسه اتسدت....غرقت الشقة !..
مره واحد شد حيله.......اتقطع............هاهاهاهاهاهاها...
مره سواق تاكــسى كسر يمينه...قام جبسه...
مره واحد بتاع كشري اتجوز...وزع على المعازيم شطة...
مره واحد... اتنين...تلاته....هاهاهاها..
مره واحد...اتنين....مش تلاته....هااهاهاء..
مره اتنين مساطيل ماشيين في الشارع.الاول قال:ده قمر.والتانى قال:دى شمس.وبعد حوار طويل سألوا واحد معدى.قالولو ده شمس ولا قمر.قالهم لا والله انا مش من هنا..
مره واحد أحول جاى يحط عصفورة في القفص..حطها بره..وهى من حولها..دخلت جوه القفص..
مرة واحد مات ..الملايكة راحوا له وقالولو أعمالك شر وهاتخش النار..ودوه أول نار لقى الناس بتشرب ماء مغلى..قال:لا..والنار التانيه فيها ناس بيخش في جسمهم شوك سخن..قال:لا..ودوه النار التالتة لقى 9 أنفار قاعدين في التكيف بيلعبوا كوتشينة..قال:أيوه أقعد مع دول....جه ملك وقال:يلا العدد كمل خدوهم على النار..
مرة واحد بلدينا لقى مصباح علاء الدين فدعكه موت العفريت ..
مرة جماعه فلاحين بيعدوا شريط القطر بالطول
مره واحد راح للبقال وقاله :عندك رز. قاله:آه.قاله:هات سكر.وتانى مره قاله:عندك شيكولاتة. قاله عندى..قاله: هات شيبسي..الراجل زهق وراح لابو الواد وقاله الحكاية...ابوه قاله :عندك عصاية..قاله:عندى.قاله: اديله قلمين..
مره واحد احول راح يجيب ابوه من المطار.باس الشنطة..وشال ابوه..
مره واحد أحول امه ماتت....عيط على خالته....
مره واحد كسلان راح للحلاق ودماغه موطيه..الحلاق قاله:شعر ولا دقن.....قاله:دقن....الحلاق قاله: طب ارفع راسك.قاله:خلاص خليها شعر......
مره واحد بخـــيل بيته ولع...اده المطافي رنه وقفل.....
مره واحد أعمى ..فتح..من الفرحة اتشل.....
ليه الصعيدى لمل بيركب تاكسى بيقعد مراته جنب السواق...علشان مايعاكسهاش في المراية....
مره واحدة رقاصة..ابنها قالها:أنا بحبك أوى يا ماما...قالتله:خلينا أصحاب أحسن..
مرة واحدة رقاصة عندها مغص..راحت للدكتور..قالها:عندك فرح فى المعدة.
مرة واحد بيحب يجرى...لكن يجرى مابيحبوش...
ليه محمد على ماكنش بيربط زرار قميصه اللى فوق....علشان ماكنش عنده زرار أصلا......هاهاى....
مره واحد بيقول لصاحبه شوفت مراتك امبارح ماشيه مع سعيد الكهربائى....قام صاحبه قاله:ده ولا كهربائى ولا يعرف خاجة فى الكهربا...
مره واحد بخيل ابنه يبناديه وبيقوله:بابا بابا بابا ياباباباابا....ابوه زعق له وقاله :كفايه واحدة يا رخم ..
مره واحد بعت لقرايبه فى البلد دسته جاتوه...ردوا عليه وقالوله:الصابون اللى بعته بوظ الغسيل....
عوضين عمال يخبط دماغه فى الحيطة لحد ما دماغه اتفتحت..امه بتسأله:مالك يا واد يا عوضين.... ضحك اوى وبطل يخبط فى دماغه وقال:ايييييييوه عوضين..هو ده اسمى...
بعض النكت دى من تأليفى والبعض الاخر منقول لكن دى كل النكت اللى انا اعرفها وطبعا تعبت فيها
ومنتظر منكم ردودكم ودعواتكم
موضوع: ادخل وهتضحك يعنى هتضحك 3 
28/4/2009, 6:21 am
