عمري ماهغير طريقة التورته دي بجد ملهاااش حل

: السلام عليكم ورحمه الله وبركاته


يمكن شكلها مش يعجبكم بس الطعم لا يعلى عليه بجد يهوس وطرية جداااااااااااااااااااااا
التورته دي طريقةورغم انها مش اسفنجيه بس هي مش عاديه غريبه بجد روعه كلمه قليله عليها انا بعملها صدقوني مش بتكمل عندي بتتقطع وتتاكل فورا اخويا وبابا اللي مش بيعجبهم العجب بياكلوها بنفس جدا جدا ومتفرقش حاجه ابدا عن تورته بره جربوها بنفس الخطوات والمقادير ابدا مش هتندموا بإذن الله


المقادير
5 بيض كبير
فانيليا 2 باكو او نص معلقة فانيليا خام
ذره ملح
نقطه ليمون عشان الزفارة
كوب ونصف سكر ناعم الحبيبات يعني نص طحنه في الكبه او سكر الاسره
نصف معلقة صغيره محسن كيك سايب من عند اللي بيبعوا خامات الحلويات (بيطريها اوي )
كوب الا ربع حليب
نصف كوب زيت ذره

بعد كده المواد الجافة
كوب ونصف دقيق -حجم الكوب 220 مل
نصف كوب كاكاو خام او بني غامق

كيس بيكنج بودر

للزينه
3 اكياس دريم ويب كريم شانتيه والطريقه على مغلف دريم ويب
وقطعه شيكولاته خام
او بندق اوكريز او فرواله
ولبن ساقع بسيط عشان نسقي بيه الكيكه من الداخل عشان تطرى او سيرب الفراولهوتحضيره سهل نذوب سكر وماء و قطع الفراوله على النار لمده 15دقيقه او اقل ونستخدمه للحشو هو والشربات اللي هيطلع منهم

الطريقه



نضرب البيض مع الفانيليا والليمونوالملح كتير بالمضرب او الخلاط

ونضيف عليه كوب ونصف السكر والمحسن كيك
ونضررب تاني مره اخرى

بعد كده نضيف الحليب والزيت ونضرب تالت

وبعد كده نطفي المضرب او نطفي الخلاط
ونصبهم في طبق غويط

نكون مجهزين المواد الجافه مع بعض منخولين بالمصفى الدقيق مع البيكنج بودر مع الكاكاو

ونضيف شويه بشويهونقلب في اتجاه عقارب الساعه فقط نفس الاتجاه بهدوء

نكون مجهزين 2 صينيه نفس الحجم مقاس 26

ولو معندناش نسويهم على مرتين عشان هنقسم الصينيتين على 2 كيكفاهمين

ولما تستوى ال 2 كيك
هنقسمهم
ونكون مجهزين كريم شانتيه 3 اكياس دريم ويب او 350 جرام كريم شانتيه سايب

ونحشيها ونغلفها بالكريمه الابيض

ونكون عندنا تمن قطعه شوكلاته خام نبشرها بالمبشره ونغطيها ونزوقها بالشكل اللي يعجبنا وفي طريقه تانيه لتزيينها بالفرواله وصوص الفرواله من الداخل مع الكريمه البيضاء
طبعا التذويق انا مش شاطره فيه بس طعمها فظيع ماشاء الله

المره دي عملتها شيكولاته فقط عشان مش في فراوله فسقيتها لبن ساقعه بسيط اوي عشان تطرى

ملحوظه لو عاوزينها بيضاء نلغي الكاكاو ونخلي مقدار الدقيق 2 كوب
مده الطهي
تدخل على فرن ساخن جداااا ولا يفتح عليها ابدا نبص عليها من الزجاج باب الفرن يعني30 دقيقه
اول ربع ساعه على نار عاليه وبعد كده نهدي النار الربع ساعه التانيه عشان تستوي من الداخل