أوقات بحسك مش معايه
مش حاسس بيه ولا بهوايه
متغير ليه إيه إللى صابنا
لازم نحل كل حاجه عشان تعبنا
قول إيه يرضيك
أبعد عن قلبك ولا أكمل
مبقتش خلاص قادر أتحمل
حجات في دماغي بتروح وتيجي
لازم أعرف إيه إللى فيك
وإيه إللى فيه
يمكن عدي يومين تلاته
ومفيش كلام
مهو مستحيل أشوفك بتبعد
واقف أتفرج كده دا حرام
لازم نتفاهم ونفوق
ونحل المسأله ونروق
إيه يرضيك قوللي عليه
زعلان مني عملت ايه
واجهني قولي
أنا مستعد أديك حياتي
خدها بس متزعلش مني
أنا محتاجلك خد بالك مني
قلبي بيندهلك رد وطمني
مش هسأل مين فينا غلطان
أنا جاي عشان بعدك تعبان
والبعد قاتلني يرضيك ياحبيبي
يرضيك تقتلني رد وطمني
ــــــــــــــــــــــ
حبيبي
بتعب لما تكون تعبان
وافرح لما تكون فرحان
حتي الفرحه في عيني تبان
حاسس بيك وباين عليه
كل الناس شايفينك فيه
حتى ملامحي باينه عليك
لمسه إيدك بتحركني
وألمس حاجه انت لامسها
كل ماعينك تيجي على حاجه
ببقي شايفها
أنا وأنت واحد
في الفرح واحد
والحزن واحد
لما بنكون سوا
بتهون عليه
وبهون عليك
وإيدي تيجي على خدك
أحس الدنيا جنه
وأغرق حب فيك
عارف سعات عيني تدمع
وأقول يارب
يارب خلى حبيبي ليه
دا الدنيا حلوة وأنا بين إيديه
أخاف عليه ويخاف عليه
هو أقرب حد ليه
نفسي يعرف قد ايه
حبه بيتحكم قوي فيه
موضوع: عادل وحشتنى 
23/11/2012, 5:38 pm